ဆွမ်းခံကြွလာသော သံဃာကို အန္တရာယ်ကောင်ဟု ပြောသူကို အရေးယူ

ပဋိပက္ခ ဖြစ်ပွား ခဲ့ဖူးသော ဥက္ကံမြို့ ဗိုလ်ချုပ် အောင်ဆန်းရပ်ကွက် ပုလဲရတနာ လမ်းတွင် မေလ ၃၁ ရက် နံနက် ၁၀ နာရီက ဆွမ်းခံကြွလာသော သံဃာ တစ်ပါးနှင့် ကိုရင်နှစ်ပါး တို့ကို အမျိုးသမီး တစ်ဦးက “အန္တရာယ်ကောင်တွေ လာနေတယ်၊ ခပ်ဝေးဝေး ရှောင်ကြ” ဟု ပြောသဖြင့် ယင်းအမျိုးသမီးကို တိုက်ကြီးမြို့နယ် တရားရုံးတွင် တရားစွဲဆို ထားကြောင်း ရန်ကုန်တိုင်း ဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

ဥက္ကံ ပဋိပက္ခတွင် မီးလောင်ခဲ့သည့် ပနီပင်ရွာ တွင် နေထိုင်သူ ဒေါ်စန်းစန်းထွေးက ဇေယျာသုခ ဓမ္မာရုံကျောင်းမှ ဦးပဉ္ဇင်း ဦးစန္ဒောဘာသ နှင့် ကိုရင်နှစ်ပါး ပုလဲရတနာလမ်း အတိုင်း ဆွမ်းခံကြွ လာစဉ် ယင်းကဲ့သို့ ပြောဆို ခြင်းကြောင့် ဆွမ်းလောင်း လှူနေသူ ဦးထွန်းကြိုင်က အရေးယူ ပေးရန် မြို့နယ် ရဲတပ်ဖွဲ့ စခန်းသို့ တိုင်ကြား သဖြင့် ရဲအရေး မပိုင်မှု အမှတ်စဉ် ၁၅။၁၃ ဖြင့် တိုက်ကြီးမြို့နယ် တရားရုံးသို့ ဦးတိုက် လျှောက်ထားရာ အဆိုပါ တိုက်ကြီးမြို့နယ် တရားရုံးက ရာကြီးအမှတ် ၆၂၃ ။၁၃ ဖြင့် လက်ခံ စစ်ဆေးကာ ကျင့် ၂၀၂ အရ ဆောင်ရွက်မည် ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

အဆိုပါ ဖြစ်စဉ်နှင့် ပတ်သက်၍ ဥပဒေ အရ ဆောင်ရွက် လျက်ရှိပြီး ဥက္ကံမြို့တွင် တည်ငြိမ်လျက် ရှိကြောင်း ဥက္ကံမြို့ ရဲစခန်းမှ ရဲအရာရှိ တစ်ဦးက ပြောကြားသည်။
“ခုကိစ္စနဲ့ ပတ်သက်လို့ ဥက္ကံမှာ ရုတ်ရုတ်သဲသဲ ဖြစ်နိုင်ခြေ မရှိပါဘူး။ လူတွေ ကလည်း ကြုံတွေ့ဖူးတဲ့ အခြေအနေအရ ဥပဒေအရပဲ ဖြေရှင်းတဲ့ သဘောပါ။ အားလုံး တည်ငြိမ်ပါတယ်” ဟု တိုက်ကြီး မြို့နယ် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဦးလွင်စိုးမင်းက သုံးသပ် ပြောကြားသည်။

ဧပြီလ ၃၀ ရက် နေ့တွင် အသက် ၁၁နှစ် အရွယ် ကိုရင်လေးနှင့် အမျိုးသမီး တစ်ဦး တိုက်မိပြီး ဆွမ်းသပိတ် ကျကာ အဖုံးကွဲရာမှ စတင် ဖြစ်ပွားသည့် ပဋိပက္ခအတွင်း မီးလောင်မှုကြောင့် လူတစ်ဦး သေဆုံးပြီး သုံးဦးဒဏ်ရာရရှိကာ နေအိမ် ၈၁ လုံး၊ ဗလီတစ်လုံး ၊ စာသင်ကျောင်း တစ်ကျောင်းနှင့် ဥက္ကံမြို့ပေါ် ရပ်ကွက်များရှိ ဆိုင်ခန်း ၅၀ ခန့် ပျက်စီး ဆုံးရှုံးခဲ့ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူး ရုံးထံမှ သိရသည်။

From:ရိုးရာလေး

www.mmdailystar.com

Read More

“ဦးဝီရသူထံ ဂျပန်သတင်းဌာနမှ လာရောက်အင်တာဗျူး”

၂-၆-၂၀၁၃- ညနေ (၂း၃၀)နာရီတွင် ဓမ္မသဟာယကျောင်း၌ လာရောက်တွေ့ဆုံခြင်းဖြစ်ပြီး၊ THE MAINICHI NEWSPAPERS (JAPAN) မှ Mr. Takayuki KASUGA- ဖြစ်သည်။

Mr. Takayuki KASUGA-သည် ဦးဝီရသူအား အိုစမာဘင်လာဒင်နှင့် နှိုင်းကာ အကြမ်းဖက်သမား အသွင် ပုံဖော်နေကြသူများအား ပြန်လည်ချေပလို၍ လာရောက်တွေ့ဆုံခြင်း ဖြစ်ပြီး၊ ဦးဝီရသူကို မြန်မာပြည်၏ မဟတ္တမဂန္ဓီ အဖြစ် ဂုဏ်ပြုရေးသားမည် ဖြစ်ကြောင်း ပြောကြားသွားသည်။
ဒေါ်အောင်ဆန်းစုကြည်နှင့် ပတ်သက်၍ အခုလို ဖြေကြားခဲ့ပါသည်။

အရင်တုန်းက “ဒေါ်အောင်ဆန်းစုကြည်ကို ရာခိုင်နှုံးပြည့် ထောက်ခံ အားပေးခဲ့တယ်။ အမေတစ်ယောက်လို အားကိုးခဲ့တယ်။ ရခိုင်ဖြစ်ပြီးတဲ့နောက်ပိုင်းမှာတော့ အမှတ်တွေ လျှော့ပစ်လိုက်ပြီ။ နောင်တစ်ချိန်မှာ အမျိုးသားသစ္စာဖောက် အဖြစ်နှင့် မြန်မာတစ်မျိုးသားလုံးရဲ့ ဘုံရန်သူ ဖြစ်သွားမှာတောင် စိုးရိမ်နေရတယ်။
ဒေါ်အောင်ဆန်းစုကြည်ကို အမျိုးသားရေးအတွက် အားကိုးလို့ မဖြစ်နိုင်တော့တဲ့ အဆုံး ပြည်သူတွေ ကိုယ့်အားကိုယ်ကိုးဖို့ပဲ လှည့်လည် ဟောကြားနေရတယ်။”
Credit To:Share Arakan News

Read More

မလေးရှားရောက် မြန်မာများ ဆက်တိုက် အကြမ်းဖက်ခံရ

တရားဝင် မြန်မာ အလုပ်သမား သုံးသိန်းကျော် ရှိသည့် မလေးရှား နိုင်ငံတွင် မြန်မာ အလုပ်သမားများ ယခုရက်ပိုင်း အတွင်း သုံးကြိမ် ဆက်တိုက် လူအုပ်စုဖွဲ့ အကြမ်းဖက်မှု ခံခဲ့ရကြောင်း မလေးရှား နိုင်ငံ ဆိုင်ရာ မြန်မာ သံအမတ်ကြီး ဦးတင်လတ် က ပြောကြားသည်။ မလေးရှား နိုင်ငံတွင် မြန်မာ အလုပ်သမားများ အသတ်ခံ ရသည်ဟု ဆိုသည့် သတင်းများနှင့် ပတ်သက်၍ သံအမတ်ကြီး ဦးတင်လတ်က မြန်မာ့ အသံနှင့် ရုပ်မြင် သံကြား၏ မေးမြန်းမှုကို အထက်ပါ အတိုင်း ပြန်လည် ဖြေကြားသည်။

ကွာလာလမ်ပူ မြို့တော်ရှိ ဟင်းသီး ဟင်းရွက် ဈေးတစ်ခု ဖြစ်သော ဆာလာယန်းတွင် မေလ ၃၀ ရက်နေ့က ဈေးရောင်းပြီး ပြန်လာသည့် မြန်မာ လုပ်သားတစ်ဦးကို အမည်မသိ လူအုပ်စု တစ်စုက တိုက်ခိုက် ခဲ့သဖြင့် ဆေးရုံတွင် ကုသမှု ခံယူနေရပြီး မေလ ၃၁ ရက်နေ့ ည ၁၀နာရီ ကလည်း ယင်းကဲ့သို့ အလားတူ အကြမ်းဖက်ခံ ခဲ့ရကြောင်း၊ မေလ ၃၁ ရက်နေ့က ဆာလာယန်း အနောက်ဘက်ရှိ မြန်မာများ နေထိုင်သည့် နေရာကို ဝင်ရောက် သတ်ဖြတ်မှုများ ဖြစ်ပွား ခဲ့ကြောင်း ၎င်းက ဆိုသည်။
မြန်မာ သံအမတ်က သေဆုံးမှု ရှိမရှိ အတည်ပြု ပြောဆိုခြင်း မရှိသော်လည်း မေလ ၃၀ နှင့် ၃၁ ရက်နေ့ တို့တွင် ဖြစ်ပွားခဲ့သည့် အကြမ်းဖက် များကြောင့် မြန်မာ လုပ်သားနှစ်ဦး သေဆုံးခဲ့ပြီး ၎င်းတို့ အသင်းက ဦးစီး သဂြုင်္ိဟ်ရန် ပြင်ဆင်နေကြောင်း ဆာလာယန်းရှိ ကပုန်း နာရေး ကူညီမှု အသင်း ဥက္ကဋ္ဌ ဦးဆန်းဝင်းက The Voice သို့ ပြောဆိုသည်။
“သဂြုင်္ိဟ်ဖို့ သံရုံးကို ခွင့်ပြုချက် တောင်းထားတယ်”ဟု ၎င်းက ဆိုသည်။ ယင်း နှစ်ဦးလုံးသည် လည်ပင်းဖြတ် သတ်ဖြတ်ခံရခြင်း ဖြစ်ပြီး ဇွန်လ ၁ ရက်နေ့က မြန်မာလေးဦး ထပ်မံ ရိုက်နှက် ခံခဲ့ရရာ တစ်ဦးမှာ ဦးခေါင်း ဒဏ်ရာဖြင့် စိုးရိမ်ရပြီး ကျန်နှစ်ဦးကို အတွင်းလူနာ အဖြစ် ကုသနေရကြောင်း ဦးဆန်းဝင်းက ရှင်းပြသည်။
ဆာလာယန်းတွင် ဆက်တိုက် ဖြစ်ပွားနေသည့် အကြမ်းဖက်မှု များကြောင့် မြန်မာလုပ်သား ၁၂ ဦး ဒဏ်ရာရရှိခဲ့ပြီး ယင်းအနက် ကိုးဦးမှာ အထူးကြပ်မတ် ကုသဆောင် (ICU) တွင် ကုသ နေရကြောင်း ၎င်းက ထပ်မံ ပြောဆိုသည်။ အကြမ်းဖက်မှု များကြောင့် ကပုန်း မြန်မာဘုန်းတော်ကြီး ကျောင်းတွင် မြန်မာလုပ်သား ၃၀ ကျော် ပြောင်းရွှေ့ ခိုလှုံလျက် ရှိပြီး ယင်းနေရာကို မလေးရှားနိုင်ငံ ရဲတပ်ဖွဲ့က လုံခြုံရေး ပေးထားကြောင်း မြန်မာသံအမတ် ဦးတင်လတ်က ပြောကြားသည်။ အကြမ်းဖက်မှု များကြောင့် ဆာလာယန်း အနီးတွင် အလုပ် လုပ်နေသည့် မြန်မာလုပ်သား ၅၀၀ ခန့် တိမ်းရှောင် နေကြပြီး အချို့ ပြန်လာလိုသော်လည်း နိုင်ငံကူးလက်မှတ် မရှိသဖြင့် အခက်အခဲ ဖြစ်နေ ကြောင်း ဦးဆန်းဝင်းက ဆို သည်။
“လားရှိုးမှာ ပြဿနာ ဖြစ်ပြီး ကတည်းက နေရတာ မလုံခြုံတော့ဘူး။ အမြဲတမ်း သတိထားနေရတယ်” ဟု မလေးရှားရောက် မြန်မာအလုပ်သမား တစ်ဦးက The Voice သို့ ပြောကြားသည်။ ဆာလာယန်းသည် မူးယစ်ဆေးဝါး ရောင်းဝယ်မှု၊ လူသတ်မှု အပါအဝင် ဒုစရိုက် လုပ်ငန်းများ လုပ်ကိုင်သော နေရာ ဖြစ်ပြီး မလေးရှားနိုင်ငံ ရဲတပ်ဖွဲ့ကလည်း ထိရောက်စွာ ကိုင်တွယ်နိုင်မှု မရှိသည့် နေရာ ဖြစ်ကြောင်း ဦးတင်လတ်က ဆိုသည်။ ဆာလာယန်းတွင် ဖြစ်ပွားသည့် အကြမ်းဖက်မှုများမှာ ဘာသာရေးကို အခြေခံခြင်း မဟုတ်ဘဲ ဒုစရိုက်မှုများ ဖြစ်ပွားလေ့ ရှိသည့် နေရာဖြစ်၍ မြန်မာလုပ်သားများ အနေနှင့် အချိန်မတော် အပြင်မထွက် သင့်ကြောင်း ဦးတင်လတ်က တိုက်တွန်းသည်။

The Voice Journal

Read More

“အသင်လူသား ဒါတွေကိုသတိထား”

မွတ်ဆလင်များသည် ၎င်းတို့၏ ဘာသာရေးစတင်ထူထောင်ချိန်ကစပြီး သားဖောက်ခြင်း၊ စစ်တိုက်ခြင်းဖြင့် ယနေ့အထိ စည်းရုံးလျက် ရှိကြသည်။ ခရစ်တော်ပေါ်ပြီး နှစ်ပေါင်း (၅၇၀)ကျော်မှ စတင်ခဲ့သည့်ဘာသာသည် ယနေ့ ကမ္ဘာ့ဒုတိယ အင်အားအများဆုံးဖြစ်ခဲ့လေပြီ။ ဒီမိုကရေစီနိုင်ငံများကို မွတ်ဆလင်များ လွန်စွာအကြိုက်တွေ့ ကြသည်။ ကမ္ဘာအင်အားကြီး ဒီမိုကရေစီနိုင်ငံများလွန်စွာသတိထားသင့်ပေသည်။ဘင်္ဂါလီမိသားစု တစ်စုတွင် လူဦးရေ (၃၀)မှ (၇၀)အထိ ရှိကြသည်ကို သင်တို့သတိထားမိကြပါသလား။ ဒီအတိုင်းသာဆက်ထားရင် ၎င်းတို့၏ရည်မှန်းချက် (၇၈၆)သည် (၂၁)ရာစုနှောင်းပိုင်းတွင်အမှန်တကယ် ဖြစ်လာနိုင်ပါသည်။ အစိုးရတိုင်း သတိထားရမည့်အချက်ဖြစ်ပါသည်။ 

စင်္ကာပူနိုင်ငံတွင်ပြဋ္ဌာန်းထားသော

မူဆလင်များအတွက် ထိမ်းမြားခြင်းဥပဒေကို လေ့လာဆန်းစစ်ပြီး ကျင့်သုံး သင့်ပါသည်။ မူဆလင်များသည် မည်သည့်အရပ်ကိုရောက်ရောက်မည်သည့်မိန်းမကိုမဆို လက်ထပ်ပေါင်း သင်းပြီး သွေးနှော သားဖောက်၍ စစ်ဆင်ရေးပြုပ်လုပ်နေကြသည်။ (၅)နှစ်အရွယ် ယောက်ျားလေးများကို အလ္လာအရှင်မြတ်၏ စစ်သည်တော်များဟု နှလုံးသားထဲရိုက်သွင်းပြီး မြှောက်ထိုး ပင့်ကော် ပြုလုပ်ကြသည်။

 ကမ္ဘာ့နိုင်ငံတိုင်းတွင် နိုင်ငံရေးခေါင်းဆောင်များ အာဏာပိုင်များ ဖြစ်လာနိုင်ရေး လွန်စွာအားပေးကြသည်။ မွတ်ဆလင်များနေထိုင်သည့် မည်သည့်နိုင်ငံတွင်မဆို ဘာသာရေးအဆောက်အအုံများဆောက်လုပ်ပြီး အစွန်းရောက်ဝါဒနှင့် တိုက်ခိုက်သတ်ဖြတ်မှုများကို သင်တန်းပို့ချလျက် ရှိပါသည်။ စစ်မှုထမ်းခြင်း၊ အသွင်တူ ဘာသာရေးဟန်ဆောင်ခြင်း၊ ကာမတဏှာဖြင့် အမျိုးသမီးများအား ဆွဲဆောင်ခြင်း၊ စီးပွားရေး ထောက်ပံ့ခြင်း စသည့် နည်းမျိုးစုံဖြင့် သိမ်းသွင်းလျက် ရှိပါသည်။ 

ကျုပ်တို့နိုင်ငံတွင် တရားမဝင် ဗလီဘယ်လောက်ရှိပါသလဲ။ ငွေတစ်မျက်နှာကိုသာကြည့်ပြီး အသုံးမကျတဲ့ အုပ်ချုပ်သူတွေကြောင့် နောင်ရေး ရင်လေးစရာတွေအများကြီးပါ။ တရားမဝင် ဗလီစာရင်းကိုဖော်ပြပါမည်။ ဒီအရေး လူတိုင်းတွင် တာဝန်ကြီးများ ရှိကြပါသည်။ နိုင်သလောက် ထမ်းရွက်ကြပါ။ အမျိုးသားရေး ပေါ့ပေါ့မတွေး ကြပါနဲ့လို့ တိုက်တွန်းအပ်ပါသည်။ 

ဇာနည်ဘွား။

“Human Be careful the case”

Read More

ကမ္ဘာ့အကြမ်းခံ စမတ်ဖုန်း Cat B15

Bullitt Mobile မှ အမေရိကန် Caterpillar လိုင်စင်နဲ့ ထုတ်လုပ်လိုက်တဲ့ စမတ်ဖုန်း ဖြစ်ပါတယ်။ တော်တော်အကြမ်းခံတဲ့ ဖုန်းပါ။
အမြင့် ၁.၈ မီတာကနေ ကွန်ကရစ်လမ်းပေါ် ကျလည်း မကွဲဘူးလို့ ဆိုပါတယ်။ ရေစိမ်လည်းခံပါတယ်။
၎ လက်မ Gorilla Glass မျက်နှာပြင်
Android 4.1 Jelly Bean OS ကို အသုံးပြုထားပါတယ်။
အလေးချိန် ၁၇၀ ဂရမ် ဆိုတော့ သိပ်မလေးပါဘူး။ အလူမီနီယမ်သားပေါ် ရာဘာ ထပ်အုပ်ထားပေးခြင်း ဖြစ်ပါတယ်။
Processor က 1GHz ရှိပြီး RAM က 512 MB ရှိပါတယ်။
ကင်မရာ 5 megapixel ရှိပါတယ်။ ဗီဒီယို recording လုပ်ဖို့အတွက် 720p resolution ရနိုင်ပါတယ်။
အအေးဒဏ် အနုတ်၂၀ ဒီဂရီစင်တီဂရိတ် အထိ ခံနိုင်ရင် ရှိပြီး ဆိုးရွားတဲ့ ရာသီဥတုဒဏ်ကို ခံနိုင်စွမ်း ရှိပါတယ်။
Cat B15 ဟာ မတ်လကစလို့ ဗြိတိန်ပေါင် ၃၀၀ သတ်မှတ်လို့ စတင်ရောင်းချသော မမတ်ဖုန်း ဖြစ်ကြောင်း သိရပါတယ်။
--
pocketlint
Aung Kham (Stuff Myanmar)
Stuff Myanmar Magazine

Read More

ရတနာပုံတယ်လီပို့ရှိ ဆက်သွယ်ရေးဝန်ကြီး ဌာနပိုင်ရှယ်ယာများ ပြန်ထုတ်ယူမည်

ဆက်သွယ်ရေးလုပ်ငန်းများ လုပ်ကိုင်ရန် မိုဘိုင်းအော်ပရေတာ
ဖြစ်လာမည်ဖြစ်သော ရတနာပုံတယ်လီပို့ ကုမ္ပဏီတွင်ရှိသည့် ဆက်သွယ်ရေးဝန်ကြီးဌာနပိုင် ရှယ်ယာများကို ပြန်လည်ထုတ်ယူ သွားမည်ဖြစ်သည်ဟု ဆက်သွယ် ရေးနှင့် သတင်းအချက်အလက် နည်းပညာဝန်ကြီးဌာန ပြည်ထောင်စု ဒုဝန်ကြီး ဦးသောင်းတင် က ပြောကြားသည်။

အဆိုပါရတနာပုံတယ်လီပို့ကို အများပိုင် ကုမ္ပဏီအဖြစ် မကြာမီတွင်
ပြောင်းလဲသွားမည် ဖြစ်ရာ ယင်းကုမ္ပဏီရှိ ဝန်ကြီးဌာနပိုင်ရှယ်ယာများကို ကုမ္ပဏီအများပိုင်ပြောင်းလဲပြီး မကြာမီတွင် ထုတ်ယူသွားရန် စီစဉ်ထားခြင်းဖြစ်သည် ဟု ဒုဝန်ကြီးက ပြောကြားခြင်းဖြစ်သည်။

ထုတ်ယူမည့်အချိန်ကို အတိအကျပြောကြားထားခြင်း မရှိသေးဘဲ အစိုးရပိုင်ရှယ်ယာများကို အော်ပရေတာများတွင် ပါဝင်၍မရသောကြောင့် ထုတ်ယူသွားမည်ဖြစ်ရာ ယင်းကုမ္ပဏီသည် မြန်မာလုပ်ငန်းရှင်များပါဝင်သည့် အများပိုင်ကုမ္ပဏီတစ်ခုဖြစ်လာမည်ဟုလည်း ဒုဝန်ကြီးက ပြောသည်။

ဦးသောင်းတင်က ''ရတနာပုံတယ်လီပို့က ရှယ်ယာတွေကို ထိုက်သင့်တဲ့ အချိန်မှာ နုတ်ထွက်သွားမှာပါ။ ဥပဒေတွေရှိပြီးသား။ အစိုးရပိုင် ဆုရှယ်ယာတွေကို အောပ်ရေတာလေးခုမှာ ဟိုဘက်မှာလည်းပါမယ်၊ ဒီဘက်မှာလည်း ရှယ်ယာပါမယ်ဆိုပြီး လုပ်သွားလို့မရဘူး။ အဲဒါ ကြောင့် ဥပဒေအတိုင်းပဲ လုပ်သွားမှာပါ'' ဟု ပြောသည်။

ပြည်တွင်းတွင် မိုဘိုင်းဖုန်းလုပ်ငန်းများ အော်ပရေတာအဖြစ် လုပ်ကိုင်ရန် ကုမ္ပဏီလေးခုကို ရွေးချယ်သွားမည်ဖြစ်ကာ ယင်းကုမ္ပဏီထဲတွင်
မြန်မာ့ဆက်သွယ်ရေးလုပ်ငန်းကို ကိုယ်ပိုင်ဘတ်ဂျက်ဖြင့် သီးခြားရပ်တည်မည့် ကုမ္ပဏီနှင့် ရတနာပုံတယ်လီပို့ကုမ္ပဏီတို့ ပါဝင်မည်ဖြစ်သည်။ လက်ရှိတွင် ရတနာပုံတယ်လီပို့ကုမ္ပဏီ အနေဖြင့် အများပိုင်ကုမ္ပဏီအဖြစ် မပြောင်းလဲရသေးဘဲ မကြာခင်ပြောင်းလဲသွားရန် ရှိသည်ဟု ရတနာပုံကုမ္ပဏီလီမိတက်၏ အမှုဆောင်အရာရှိချုပ် ဦးတင်ဝင်းက ပြောသည်။

ဦးတင်ဝင်းက ''ကုမ္ပဏီကို အများပိုင်အဖြစ် ပြန်ပြောင်းဖို့က
လောလောဆယ်တော့ ဘာမှမလုပ်ရသေးပါဘူး။ ဘာမှမဆုံးဖြတ်ရသေးဘူး။ အများပိုင်အဖြစ် ပြောင်းမယ်ဆိုတာကတော့ ဆုံးဖြတ်ပြီးသား။ မနေ့တစ်နေ့ကပဲ အဲဒီကိစ္စတွေလုပ်ဖို့ အမိန့်ကျတယ်။ နာမည်တွေ ပြောင်းလဲတဲ့ကိစ္စတွေ၊ အစုရှယ်ယာကို ပြည်သူလူထုကို
ပြန်ရောင်းမယ့်ကိစ္စတွေကတော့ လောလောဆယ် မဆုံးဖြတ်ရသေးလို့ အသေးစိတ်ပြောလို့ မရသေးပါဘူး'' ဟု ဇွန် ၂ ရက်တွင် မဇ္ဈိမသို့ ပြောသည်။

မိုဘိုင်းအော်ပရေတာလုပ်ငန်း လုပ်ကိုင်မည့် ပြည်ပကုမ္ပဏီနှစ်ခုကို ဇွန် ၂၇ ရက်တွင် အပြီးသတ်ရွေးချယ်မည်ဟု ဆက်သွယ်ရေးနှင့် သတင်းအချက် အလက် နည်းပညာဝန်ကြီးဌာနမှတရားဝင်ပြောကြားထားပြီးဖြစ်ကာ
နောက်ဆုံး အဆင့်ရွေးချယ်ရန် ပြည်ပကုမ္ပဏီ ၁၂ ခု အထိ ပဏာမရွေးချယ် ထားသည်။

ယင်းပမာဏရွေးချယ်ထားသည့် ကုမ္ပဏီ ၁၂ ခုမှ ဗြိတိသျှအခြေစိုက် Vodafone အုပ်စုနှင့် China Mobileအုပ်စုတို့ နုတ်ထွက်သွားခဲ့သည်။
နုတ်ထွက်ရခြင်းအကြောင်းရင်းကို မသိရသော်လည်း ဆက်လက် တင်ပြရမည့် အဆိုပြုချက်များကို ထပ်မံတင်ပြခြင်း မရှိတော့ဘဲ နုတ်ထွက်သွားခြင်း ဖြစ်သည်။

အော်ပရေတာ လုပ်ကိုင်ခွင့်ပေးရာတွင် ၁၅ နှစ်လုပ်ခွင့်ပေးမည်ဖြစ်ပြီး လုပ်ကိုင်ခွင့်ရသည့် ကုမ္ပဏီများသည် မိုဘိုင်းဖုန်းချပေးရန် Frequency Licence Fees ကို ၁၅ နှစ်စာဝယ်ယူ ရမည်ဖြစ်သည်။

Mizzima

Read More

မန္တလေးက ပဋိပက္ခ တားဆီးကာကွယ်ရေး ကြိုးပမ်းချက်

မန္တလေးမြို့တွင် ဖွဲ့စည်းထားသော ပဋိပက္ခ တားဆီးကာကွယ်ရေး အဖွဲ့က ယနေ့နေ့လယ် ၂နာရီကျော်တွင် ညှိနှိုင်းဆွေးနွေးခဲ့ကြသည်။ဘုရားကြီးအလယ်တိုက်တွင် ပြုလုပ်သည့် ဆွေးနွေးပွဲသို့ အဖွဲ့၏ ဆရာတော်များဖြစ်သော ဦးသောဘိတ၊ ဘ၀အလင်းဆရာတော် ဦးသုမန၊ ရွှေငါးကျောင်းဂဠုနီ ဆရာတော်၊ ရေတော်ဆရာတော် ဦးဝိသုတ တို့ တက်ရောက်ကြသည်။

ဆွေးနွေးပွဲသို့ ဗုဒ္ဓဘာသာဝင်များ၊ အစ္စလမ်ဘာသာဝင်များ၊ ခရစ်ယာန်ဘာသာဝင်များ တက်ရောက်သည့် ဆွေးနွေးခဲ့ကြသည်။
လားရှို့မြို့တွင် မကြာသေးခင် ဖြစ်ပွားခဲ့သော ပဋိပက္ခ၊ ပဋိပက္ခများကို မည်သို့ ကြိုတင်တားဆီးမည်၊ ပဋိပက္ခ ဖြစ်ပွားနေချိန် ဘာသာပေါင်းစုံ အဖွဲ့စည်းများက မည်သို့ ၀င်ရောက် ဖျန်ဖြေမည်၊ ပြန်လည် ထူထောင်ရေး မည်သို့ လုပ်ဆောင်သင့်သည်၊ ယခုအဖွဲ့အစည်း တရားဝင် အဖွဲ့ဖြစ်စေရန်အတွက် မည်သို့ လုပ်ဆောင်သင့်သည်ကို ဆွေးနွေးခဲ့ကြကြောင်း သိရသည်။

ဧရာဝတီblog

Read More

မသန်စွမ်း တစ်ယောက်ကို နာမည်ကြီး အဆိုတော် တစ်ယောက် ဖြစ်အောင် လုပ်ဆောင်နေတဲ့ ဇော်ဝင်းထွဋ်

မသန်စွမ်းသူတွေ ရဲ့ သံတမန် တစ်ဦး ဖြစ်တဲ့ အဆိုတော် ဇော်ဝင်းထွဋ်က ဂီတ အလုပ်ကို ပုံမှန်ပဲ လုပ် ဖြစ်နေတယ်လို့ ပြောပါတယ်။ လတ် တလော ဂီတ လှုပ်ရှားမှု ပုံစံနဲ့ ပတ် သက်ပြီး အဆိုတော် ဇော်ဝင်းထွဋ်က“နောက်သန်ဘက်ခါကျရင် မန္တ လေးကို သွားဖို့တော့ ရှိတယ်။ ပွဲတစ် ပွဲအတွက်လေ။ ဒါပေမဲ့ အဲဒါလည်း သိပ်မသေချာသေးပါဘူး။ စတိတ်ရှိုး ဆိုဖို့ကကျတော့ ကြာဦးမယ်။ စီစဉ် ထားတာ မရှိသေးဘူး။ အခုမဆွေ (မေဆွိ)ရဲ့ အခွေထဲမှာ စုံတွဲ အနေ နဲ့ တစ်ပုဒ် သီဆိုပေးထားတယ်။ မဆွေ နဲ့က ဟိုးအရင်ကတည်း က မောင်နှမတွေ လို နေလာခဲ့ကြတော့ မဆွေရဲ့ ရွှေရတု ပွဲလေးကို စီစဉ်လုပ်ဆောင် ပေးခဲ့တယ်။

အခုထွက်ရှိထားတဲ့ မဆွေ ရဲ့”ရွှေရောင်တေးများ” ကိုလည်း စီစဉ် ဖြစ်တော့ ပါဝင် သီဆို ဖြစ်သွားတာ။ သူက အခုအမေရိက ထွက်သွားပြီ။ သူ ဒီနှစ်ကုန်လောက် ပြန်လာမယ် ထင်တယ်။ ပြန်လာတဲ့ အချိန်ကျ အကောင်းဆုံး ဖြစ်အောင်ပေါင်းလုပ် ဖို့တော့ အစီအစဉ်တွေ ရှိတယ်။ အခု အစ်ကို့ရဲ့ စောစောက ထွက်ရှိထားတဲ့ “လူ” စီးရီးကို အသံ အနေအထား နဲ့ ရုပ် ကအစ အကောင်းဆုံး ဖြစ်အောင် ဗီစီ ဒီရိုက် ဖို့ ပြင်ဆင်နေ တယ်။

မကြာခင် မှာ ပရိသတ်လက်ထဲ ရောက်လာ တော့မှာပါ။ အစ်ကို ကလောလော မလုပ်ဘူး။ ပုံမှန်လေးပဲ လုပ်တယ်။ နောက်တစ်ခု ရှိတာက မကြာခင်မှာ မသန်စွမ်း သူတွေရဲ့ ပြိုင်ပွဲတွေ ရှိတယ်လေ။ တစ်နိုင်ငံလုံး မှာရှိတဲ့ မသန်စွမ်း သူတွေရဲ့အားကို အဓိကထားပြီး အစ်ကို အလုပ်တစ်ခု လုပ်နေတယ်။ ဘာလဲ ဆိုတော့ မသန်စွမ်း သူတွေ ထဲ ကမှ ဂီတကို တအား ဝါသနာပါတဲ့တစ် ယောက်ကို နာမည်ကြီး အဆိုတော် တစ်ယောက် ဖြစ်အောင် လုပ်ပေးဖို့ စီစဉ်နေတယ်။

အစကနေ အဆုံး အခွေ ထုတ်ပေး ဖို့ အထိပေါ့။ အကောင်းဆုံး ဖြစ်အောင် လုပ်တယ်။ ချပြတယ်။ ဂီ တကို လုပ်နိုင်သရွေ့တော့ ဆက်လုပ် သွားမယ်” လို့ပြောပါတယ်။ ဂီတလော က အခြေအနေနဲ့ ပတ်သက်လို့လည်း “အရင်က ထက်စာရင် ပိုကောင်းလာပါတယ်။ သိပ်တော့ အားမရသေးဘူး။ ဒါပေမဲ့လည်း နောက်ပိုင်း သူ့ဟာ နဲ့သူ အဆင်ပြေသွား မှာပါ” လို့ ပြောသွားပါ တယ်။

သတင်း၊ဓာတ်ပုံ-Mဘွယ်

Popular Journal

Read More

ရှစ်လေးလုံး ငွေရတုပွဲမှာ သက်ဆိုင်သူများ ပြန်ဆုံနိုင်ဖို့ ရည်ရွယ်ထား

ရဟန်းရှင်လူ တိုင်းရင်းသားပြည်သူအားလုံး ပါဝင်ခဲ့သော ရှစ်လေးလုံး ဒီမိုကရေစီ လူထုအုံကြွမှု ၂၅ နှစ်ပြည့် ငွေရတုအခမ်းအနားကို လာမည့် သြဂုတ်လ ၈ ရက်နေ့တွင် ပြည်တွင်းပြည်ပရှိ သက်ဆိုင်သူများ အားလုံး ပါဝင်တွေ့ဆုံနိုင်ရေး ရည်ရွယ်ပြီး ကျင်းပပြုလုပ်ရန်ရှိကြောင်း သိရသည်။
ရှစ်လေးလုံး ဒီမိုကရေစီအရေးတော်ပုံ ငွေရတုအခမ်းအနား ကျင်းပရေးလုပ်ငန်းကော်မတီမှ ထုတ်ပြန်ချက်တွင် ငွေရတု အခမ်းအနား ကျင်းပရသည့် ရည်ရွယ်ချက်မှာ မြန်မာနိုင်ငံပြုပြင် ပြောင်းလဲမူတွင် အဓိကအကျဆုံးနှင့် မဖြစ်မနေဆောင်ရွက်ရမည့် အမျိုးသားရေး လိုအပ်ချက်ဖြစ်သော ငြိမ်းချမ်းရေးနှင့် အမျိုးသားပြန်လည်သင့်မြတ်ရေး မူအပေါ်အခြေခံ၍ နိုင်ငံရေးဖြစ်စဉ်တွင် ပါဝင်သူအားလုံး တွေ့ဆုံနိုင်ရန် ဖြစ်ကြောင်း ဆိုသည်။

”အခမ်းအနားကတော့ ၈ ရက်နေ့မှာ လုပ်မယ်။ ဒါပေမယ့် ကျနော်တို့က နိုင်ငံရေး အနှစ်သာရရှိရှိနဲ့ တွေ့ဆုံတဲ့ပုံစံ လုပ်မှာဆိုတော့ ကြိုပြီးတော့ ၆ ရက်နေ့ကနေ စဖို့ လုပ်ထားတယ်။အကြမ်းဖျဉ်း လျာထားချက်ပါ”ဟု ကော်မတီ၏ ပြောရေးဆိုခွင့်ရှိသူ ကိုမြအေးက ဆိုသည်။

တွေ့ဆုံဆွေးနွေးပွဲ ကျင်းပရခြင်းသည် မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် ရှစ်လေးလုံး ဒီမိုကရေစီအရေးတော်ပုံကြီးတွင် ပါဝင်ခဲ့ကြသော ပြည်တွင်းပြည်ပ
နယ်ပယ်အသီးသီးမှ ပုဂ္ဂိုလ်များနှင့် ယနေ့ထက်တိုင် အသွင်သဏ္ဍာန်မျိုးစုံဖြင့် တိုက်ပွဲဝင်ခဲ့ကြသော တိုင်းရင်းသား ညီအစ်ကို၊ မောင်နှမများအားလုံး ပြန်လည်စုစည်းကြရန်ဖြစ်ကြောင်း အခမ်းအနား ကျင်းပရေးလုပ်ငန်းကော်မတီမှ ထုတ်ပြန်ထားသည်။

အခမ်းအနားသို့ တိုင်းရင်းသားလက်နက်ကိုင် အဖွဲ့အစည်းများ၊ နိုင်ငံရေးပါတီ အဖွဲ့အစည်း အားလုံးနှင့် အစိုးရတာဝန်ရှိသူများကိုပါ ဖိတ်ကြားသွားမည်ဟုလည်း သိရသည်။

ရှစ်လေးလုံး ဒီမိုကရေစီအရေးတော်ပုံတွင် ပါဝင်ဖြတ်သန်း ကြီးပြင်းခဲ့ကြသူများ ရန်ကုန်တွင် စုစည်း ဆွေးနွေးပြီး ငွေရတုအခမ်းအနား ကျင်းပရေးလုပ်ငန်းကော်မတီဝင် ၁၆ ဦးကို ဖွဲ့စည်းထားသည်။ ယင်းလုပ်ငန်းကော်မတီ ပထမအကြိမ် အစည်းအဝေးကို ယနေ့ ဇွန်လ ၂ ရက် မွန်းတည့် ၁၂း၀၀ နာရီတွင် ရန်ကုန်မြို့ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း ရုံးတွင် ကျင်းပပြုလုပ်ခဲ့သည်။

ရှစ်လေးလုံးအရေးတော်ပုံဟု ခေါ်ဆို သုံးနှုန်းကြသော ဒီမိုကရေစီရေး လှုပ်ရှားမှုမှာ ၁၉၈၈ မတ်လ ၁၃ ရက် စက်မှုတက္ကသိုလ်ကျောင်းသားများနှင့် အရပ်သားများ စကားများ ရန်ဖြစ်ရာမှ လုံခြုံရေးရဲတပ်ဖွဲ့က သေနတ်ဖြင့် ပစ်ခတ်မှုဖြင့် စက်မှုတက္ကသိုလ်ကျောင်းသား နှစ်ဦး သေဆုံးခဲ့သည်ကို ရန်ကုန်ရှိ တက္ကသိုလ်ကျောင်းသားများက ဆန့်ကျင်ဆန္ဒပြခဲ့ခြင်းမှ စသည်။

ယင်းနှစ် ဩဂုတ်လတွင် စီးပွားရေး ချွတ်ခြုံကျအောင် အုပ်ချုပ်မှု ညံ့ဖျင်းခဲ့သော မြန်မာ့ဆိုရှယ်လစ်လမ်းစဉ်ပါတီကို မြို့ကြီး အတော်များများတွင် အထွေထွေသပိတ်မှောက်ခဲ့ကြရာ စစ်တပ်မှ ပစ်ခတ်နှိမ်နှင်းမှုကြောင့် လူ ထောင်ချီ၍ သေဆုံးခဲ့သည်။ စစ်ဗိုလ်ချုပ်ဟောင်း နှစ်ဦးဖြစ်သူ ဦးနေဝင်းနှင့် ဦးစိန်လွင်တို့ သမ္မတရာထူးမှ နှုတ်ထွက်ပေးရပြီး အရပ်သား ဒေါက်တာ မောင်မောင် သမ္မတဖြစ်လာသည်။

ဒေါသထွက်နေသော ဆန္ဒပြသူများက မြန်မာ့ဆိုရှယ်လစ်လမ်းစဉ်ပါတီ အပြီးတိုင်ဖျက်သိမ်းရေး၊ ကြားဖြတ်အစိုးရဖွဲ့စည်းရေးတို့ တောင်းဆိုပြီး နိုင်ငံရေးအရ စေ့စပ်မရဖြစ်နေချိန် လုယက်ဖျက်ဆီးမှုများ၊ သတ်ဖြတ်မှုများ လူထုအကြား ပြန့်ပွားလာပြီး တပ်မတော်က အာဏာသိမ်းယူရာ ငြိမ်းချမ်းစွာ ကန့်ကွက်ဆန္ဒပြသူများ ထပ်မံပစ်သတ်ခံခဲ့ရသည်။

”ကျနော်မျက်စိထဲမှာ ပြန်မြင်နေတာက ဗိုလ်ချုပ်အောင်ဆန်းပုံလေးကို ကိုင်ပြီးတော့မှ ကတ္တရာလမ်းမပေါ်မှာ ချီတက်ရင်း ကျဆုံးသွားတဲ့ မောင်နှမတွေကို သတိရတယ်။ ကတ္တရာလမ်းမပေါ်မှာ အဖြူအစိမ်းလေးတွေနဲ့ အလံလေးတွေကိုင်ပြီး လဲကျသူတွေအများကြီးပါ။ သူတို့ပေးဆပ်မှုတွေကြောင့် ဒီနေ့လို ခေတ်တစ်ခေတ်ကို ရောက်လာတာလို့ ကျနော်မြင်တယ်”ဟု ကိုမြအေးက ဆိုသည်။

၈၈ အရေးတော်ပုံကာလသည် မတရားသော အစိုးရတစ်ရပ်ကို တော်လှန်ရန် လူထု လူတန်းစား အလွှာအားလုံး စုစည်းမိသောအချိန်ဟု ပြောချင်ကြောင်း၊ တိုင်းပြည်တွင် လူထုအားလုံး ညီညွှတ်သော အချိန်ကာလတခုအဖြစ် အမှတ်ရနေကြောင်း၊ တံတားနီ အရေးအခင်းတွင် ကျောင်းသားကျောင်းသူများ အရိုက်ခံရခြင်းကို တွေ့၍ ၈၈ အရေးအခင်းတွင် ပါဝင်လာခဲ့မိကြောင်း ၈၈ ကာလတွင် အခြေခံပညာကျောင်းသားများ သမဂ္ဂတွင် ၀င်ရောက်လှုပ်ရှားခဲ့သူ ကိုသီဟ (NHK) က ပြောသည်။

”ဒီအရေးအခင်းကြောင့် ဆိုရှယ်လစ်အစိုးရ ပြုတ်ကျသွားတယ်။ ဘာပဲဖြစ်ဖြစ် အာဏာသိမ်းလိုက်တဲ့ အစိုးရကလည်း ဒီမိုကရေစီဆိုတာကြီးကို အာမခံပေးလိုက်ရတယ် အဲဒီအချိန်တုန်းက ပြည်သူတွေညီညွတ်ခဲ့သလို အခုပြန်ရအောင်လုပ်နိုင်ရင် ကျနော်တို့လိုချင်တဲ့ ပန်းတိုင်ရပြီ”ဟု ဆိုသည်။

ငြိမ်းချမ်းသာယာသော လူ့အဖွဲ့အစည်းတစ်ခုသို့ ငြိမ်းချမ်းစွာ အသွင်ကူးပြောင်းနိုင်ရေး လှုပ်ရှားမှုသည် ၈၈ ဒီမိုကရေစီအရေးတော်ပုံပင် ဖြစ်ကြောင်း လှုပ်ရှားမှုတွင် ပါဝင်ခဲ့သူ ကိုမြတ်စံက ပြောသည်။

”စက်မှုတက္ကသိုလ်ကျောင်းသား ကိုဖုန်းမော် ကျဆုံးသွားတာကို အကြောင်းပြုပြီးတော့ ပြည်သူလူထုက ပေါက်ဖွားလာတဲ့ ဒီမိုကရေစီအရေးတော်ပုံကြီးပါ။ အစပိုင်းမှာ ကျောင်းသားတွေပဲ ပါပေမယ့် နောက်ပိုင်းမှာ ရဟန်းရှင်လူ ပြည်သူအားလုံးပါလာတယ်။ လူထုက သူတို့လိုချင်တာကို လမ်းပေါ်ထွက်ပြီး ငြိမ်းချမ်းစွာ ဆန္ဒဖော်ထုတ်တာပဲ။ နောက်ပိုင်းကျမှ အကြမ်းဖက်မှုတွေပါလာပြီးတော့ ဒီမိုကရေစီတောင်းဆိုမှုကို ပုံပျက်သွားအောင်လုပ်လိုက်တာပဲ”ဟု သူကဆိုသည်။

ရှစ်လေးလုံး အရေးတော်ပုံတွင် တက်ကြွစွာပါဝင်ခဲ့သူ ကိုဗထူးမောင်က” အမှတ်ရဆုံး အဖြစ်အပျက်က ဒေါ်ခင်ကြည် ဈာပနမှာပါ။ လူအုပ်ကြီးက အရမ်းများလာတဲ့အခါ လူအုပ်ကြီးကို ဖောက်ခွဲပစ်ဖို့ စဉ်းစားမိတယ်။ အဲဒီအချိန်မှာ အကိုက ဖမ်းဝရမ်းအထုတ်ခံထားရတော့ စိတ်ကလဲလှုပ်ရှားနေတယ်။ လူထုကို နိုင်မြန်မာရေးတဲ့သီချင်းကို ဝေထားတယ် ကမ္ဘာမကြေဘူး ဆိုတာလေ။ အစိုးရ အသံလွှင့်ရုံရှေ့ရောက်တော့ လူအုပ်ကို အော်ပြောလိုက်တယ်။ ကျနော်က အမေဒေါ်ခင်ကြည်လို့ အော်ပါမယ်။ ခင်ဗျားတို့က သက်တော်ရာကျော်ရှည်ပါစေလို့ အော်ပေးပါလို့ ပြောလိုက်တယ်။ အမှန်က ကောင်းရာသုကတိလားပါစေ အော်ခိုင်းရမှာ။ လူအုပ်ကလည်း မသိဘူး။ အကိုက ရှေ့ကနေ အမေဒေါ်ခင်ကြည်လို့ အော်တယ်။ လူအုပ်က သက်တော်ရာကျော် ရှည်ပါစေလို့ လိုက်အော်တယ်ဗျာ။ ပြီးမှ ပြန်သတိရပြီး ကောင်းရာသုကတိလားပါစေလို့ ပြန်အော်ခိုင်းရတယ်”ဟု အမှတ်တရ ဆိုသည်။

ဧရာဝတီ
ရှစ်လေးလုံး ဒီမိုကရေစီ လှုပ်ရှားမှု အတွင်း စစ်တပ်မှ ပစ်ခတ်နှိမ်နှင်းမှုကြောင့် လူ ထောင်ချီ၍ သေဆုံးခဲ့သည်

Read More

ကျပ်သန်းပေါင်း(၂၇၀) အကုန်ကျခံ တည်ဆောက်မည့် ရခိုင်မှ ဆိပ်ခံတံတားများ စက်တင်ဘာလမှ လုပ်ငန်း စတင်နိုင်မည်

မိုးရာသီတွင် တည်ဆောက်ရန် အခက်အခဲ ရှိသဖြင့် ကျပ် သန်းပေါင်း (၂၇၀) အကုန်ကျခံ တည်ဆောက်မည့် ရခိုင်ပြည်နယ် မြို့ (၄) ခုမှ ဆိပ်ခံ တံတားများကို စက်တင်္ဘာလလောက်မှ လုပ်ငန်း စတင်နိုင်မည် ဖြစ်ကြောင်း သတင်း ရရှိသည်။

ပုဏ္ဍားကျွန်းမြို့ လက်ရှိ ဆ်ိပ်ခံတံတားကို တွေ့ရစဉ်။
မိုးများသော ဒေသဖြစ်ပြီး မြစ်ချောင်းများတွင် ရေစီးသန် သဖြင့် ဆောက်လုပ်ရေး လုပ်ငန်း လုပ်ကိုင်ရန် မသင့်တော်၍ စက်တင်္ဘာလရောက်မှ ဆိပ်ခံ တံတားများ တည်ဆောက်ရေးကို စတင် လုပ်ကိုင်နိုင်မည်ဟု မျှော်မှန်းထားကြောင်း ရခိုင်ပြည်နယ် သတ္တု ၀န်ကြီး ဦးအောင်သန်းတင်က ပြောသည်။

“ ကျွန်တော်တို့ ပုဏ္ဍားကျွန်း ဆိပ်ခံတံတားကို ကျပ်သန်းပေါင်း (၂၇၀) နဲ့ အကုန်အကျခံပြီး တည်ဆောက်ဖို့ ပြည်နယ် လွှတ်တော်က ဆုံးဖြတ်ထားပါပြီ။ ၂၀၁၃-၂၀၁၄ ဘဏ္ဍာရေးနှစ်မှာ တည်ဆောက်မှာ ဖြစ်ပါတယ်။ အခု မိုးရာသီ ဖြစ်နေတဲ့ အတွက် လုပ်ငန်း စတင်ဖို့ မဖြစ်နိုင်တာကြောင့် စက်တင်္ဘာလ လောက်မှ လုပ်ငန်းတင်ဒါတွေကို ခေါ်ယူနိုင်မှာ ဖြစ်ပါတယ်” ဟု သူက ဆိုသည်။

ရခိုင်ပြည်နယ်တွင် ကားလမ်းနှင့် ရထားလမ်းများကို နိုင်ငံတော် အစိုးရမှ လမ်းပန်းဆက်သွယ်ရေး လွယ်ကူချောမွေ့မူ ရှိစေရန် ရည်ရွယ်ပြီး ဖေါက်လုပ်ပေးနေသော်လည်း ကားလမ်းရထားများ တဆင့် ပြည်နယ် အနှံ့ သွားလာနိုင်ခြင်း မရှိသဖြင့် ရေလမ်းခရီးကိုသာ ယခုအချိန် ရခိုင် လူထု အနေဖြင့် အားကိုးနေရဆဲ ဖြစ်သည်။ သို့အတွက် မြို့များရှိ သင်္ဘောများ၊ မော်တော်ဘုတ်များ ၀င်ထွက် ဆိပ်ကပ်ရာ ဆိပ်ခံတံတားများကို ခိုင်ခန့်အောင် ပြုပြင် တည်ဆောက်ရန် အရေးတကြီး လိုအပ်နေသည်။

၂၀၁၃-၂၀၁၄ ခုနှစ် အတွင်း ဆိပ်ခံတံတား (၄) ခုကို ပုဏ္ဍားကျွန်း၊ ပေါက်တော၊ ရမ်းဗြဲနှင့် မာန်အောင်မြို့တို့တွင် တည်ဆောက်သွားမည် ဖြစ်ပြီး တံတား တစ်ခုစီကို ကျပ်သန်းပေါင်း (၂၇၀) စီ အကုန်အကျခံ တည်ဆောက်သွားမည်ဟု သိရသည်။

“ အခုက မိုးရာသီဆိုတော့ ဘယ်စီမံကိန်းကိုမှ လုပ်ကိုင်နိုင်မှာ မဟုတ်ဘူး။ ဒါကြောင့် အစိုးရစီမံကိန်းတွေကို တင်ဒါ မခေါ်နိုင်ဘဲ ဖြစ်နေပါတယ်။ မိုးကုန်မှဘဲ လုပ်ငန်းတွေကို စတင်နိုင်မှာ ဖြစ်ပါတယ်” ဟု ၀န်ကြီးက ဆိုသည်။

မိုးရာသီတွင် ရခိုင်ရှိ ဆောက်လုပ်ရေး လုပ်ငန်းများ လုပ်ကိုင်ရန် မဖြစ်နိုင်သဖြင့် မြန်မာ့ မီးရထား လုပ်ငန်းမှ ပုဏ္ဍားကျွန်း မြို့အတွက် တာဝန်ယူ တည်ဆောက်ပေးနေသော ဘော်လုံးကွင်း တည်ဆောက်ရေးကိုလည်း ယခုအခါ ရပ်ထားသည်ဟု ဒေသခံ တစ်ဦးက ဆိုသည်။

ပုဏ္ဍားကျွန်း ရထားဘူတာ တည်ဆောက်ရာတွင် ဘော်လုံးကွင်း ပါဝင်သွားသဖြင့် မြန်မာ့ မီးရထား လုပ်ငန်းမှ အဆင့်မှီ ဘော်လုံးကွင်း အသစ်တစ်ခုကို မြို့ အနီးရှိ ပုဏ္ဍားကျွန်း-ရသေ့တောင် ကားလမ်းအနီးတွင် အစား ထိုး တည်ဆောက်နေသည်ဟု သိရသည်။

နိရဉ္စရာ

Read More

ရန်ကုန်မြို့ မိုးသည်းထန်စွာရွာ

မိုးသည်းထန်စွာရွာသွန်းမှုကြောင့် ရေလျှံမှုများဖြစ်ပွားနေသည်ကိုတွေ့ရစဉ်။ (ဓာတ်ပုံ-ဟိန်းထက်၊ မဇ္ဈိမ) ရန်ကုန်မြို့ ကျောက်တံတားမြို့နယ် ပန်းဆိုးတန်းလမ်း ၊ မင်္ဂလာတောင်ညွန့်မြို့နယ် ယုဇနပလာဇာရှေ့ ၊ ဗဟန်းမြို့နယ် ရွှေဂုံတိုင်လမ်းဆုံ ၊ ဆူးလေဘုရားအနီး နှင့် တာမွေမြို့နယ်တို့တွင်လည်း လမ်းပေါ်သို့ရေလျှံမှုများဖြစ်ပွားခဲ့သည်။

Mizzima

Read More

ရွှေ့လျား ဆိုင်ကယ်ယာဉ်မောင်းလိုင်စင် ၃လ တစ်ကြိမ်ပြုလုပ်ပေးမည်

ရွှေ့လျားဆိုင်ကယ်ယာဉ်မောင်းလိုင်စင်အား ၃လတစ်ကြိမ် ပြုလုပ်ပေးသွားမည်ဖြစ်ကြောင်း မန္တလေး တိုင်းဒေသကြီး ကုန်လမ်းပို့ဆောင်ရေးနှင့် ညွှန်ကြားရေးဦးစိးဌာနမှ စုံစမ်းသိရှိရသည်။ ပထမအကြိမ်ကို ယခုနှစ် ၃လပိုင်းမှ စတင်ကာ မိုးကုတ်၊ မတ္တရာ၊ စဥ့်ကူး၊ သပိတ်ကျင်း မြိုများတွင် တစ် ကြိမ်လျှင် ၅၀၀စီပြုလုပ်ပေးခဲ့ပြီး မြို့နှင့်အလှမ်းဝေးပြီး သွားလာပို့ဆောင်ရေးအသုံးများသော မြို့များအား ရွေး ချယ်ပြုလုပ်ပေးသွားမည်ဖြစ်ပြီး လိုင်စင်ပြုလုပ်ပေးရာတွင် ဆိုင်ကယ်မောင်းသင်တန်းပါ တစ်ပါတည်း သင်ကြား ပေး၍ ယာဉ်စီးကမ်းလမ်းစည်းကမ်းဆိုင်ရာများကိုပါ သင်ကြားပေးကာ
အသက် ၁၈နှစ်ပြည့်သူ မည်သူမဆို ပြုလုပ်နိုင်ကြောင်း တိုင်းဒေသကြီးကုန်းလမ်းပို့ဆောင်ရေးနှင့် ညွှန် ကြားရေးမှူး ဦးစီးဌာနမှ ညွှန်ကြားရေးမှူး ဦးသိန်းဦးက ပြောသည်။
အဓိကကတော့ သွားရေးလာရေးအဆင်ပြေစေဖို့နဲ့ နိုင်ငံတော်ဘဏ္ဍာလည်း ရတာမို့ လုပ်ပေးတာပါ ဟု ဦးသိန်းဦးက ပြောသည်။
ယာဉ်မောင်းလိုင်စင်ပြုလုပ်ရာတွင် ငွေကျပ် ၅၀၀၀ခန့်ကုန်ကျမည်ဖြစ်ပြီး ယခုဒုတိယအကြိမ်တွင် အထက်ပါမြို့များသို့ပင် ထက်မံလုပ်ပေးသွားမည်ဖြစ်ကြောင်း သိရသည်။
မန်းတိုင်းဒေသကြီးတွင် ကုန်လမ်းပို့ဆောင်ေ၇းနှင့်
ညွှန်ကြားရေးမှူး ဦးစီးဌာနသို့ တရားဝင် မှတ် ပုံတင်ထားသည့် မော်တော်ဆိုင်ကယ်အရေအတွက် ငါးသိန်းကျော်ရှိပြီး ၂၀၁၂-၂၀၁၃ခုနှစ်အတွက် ခန့်မှန်း လူဦးရေစာရင်းမှာ ၇.၄၂၂သန်း(နေပြည်တော်မပါ ) ရှိပြီး၊ ခရိုင် ၈ခု၊ မြို့နယ် ၂၈ခု၊ မြို့နယ်ခွဲ ၂ခု၊ ရပ်ကွက်ပေါင်း ၂၆၉ရပ်ကွက်၊ ကျေးရွာပေါင်း ၄၇၈၀ရှိကြောင်း
တိုင်း လ.၀.ကစာရင်းများအရသိရသည်။

ဖိုးလပြည့်

Popular Myanmar News Journal

Read More

သက်မဲ့ ဘုရားနှင့် သက်ရှိ ရဟန်းတွင် ဘယ်အလှူ ပိုမြတ်သနည်း

မိတ်ဆွေတစ်ဦးက မေးလာသော မေးခွန်း ဖြစ်ပါသည်။
"ပရိတ်နိဗ္ဗာန်ပြုပြီးဖြစ်သောဘုရားရှင် နှင့် သက်ရှိထင်ရှား သီလ၊ သမာဓိ၊ ပညာနှင့် ပြည့်စုံသော ရဟန်းတော် ဤရတနာနှစ်ပါးကို ဆွမ်းလှုခြင်းတွင် မည်သည်က မြတ်ပါသနည်း" ဟူ၍ ဖြစ်ပါသည်။ စာဖတ်သူတို့လည်း မည်သို့ ထင်မြင်ပါသနည်း။

ဗုဒ္ဓမြတ်စွာဘုရား သက်ရှိထင်ရှားရှိစဉ်ကပင် ဘုရားသားတော် ရဟန်းများ ကို ကိုးကွယ်ဆည်းကပ်ရန် မှာကြားခဲ့ပြီးသား ဖြစ်သည်။ ယင်းသို့ မှာကြားခဲ့ခြင်းကြောင့် ယနေ့တိုင် ဘုရားသားတော် ရှင်ရဟန်း၊ ဆရာတော် များကို ဗုဒ္ဓဘာသာဝင်တို့ ကိုးကွယ်ဆည်းကပ်ပါသည်။ သို့ပါသောကြောင့် သာသနာတော် တည်တံ့ပြန့်ပွားရသည်။

ထိုသို့ သာသနာအဓွန့်ရှည်စေရန် မျှော်မှန်း၍ ဟောကြားပေးအပ်ခဲ့သော ဗုဒ္ဓမြတ်စွာဘုရား၏ ကျေးဇူးတော်ကို လည်းကောင်း၊ ရှင်တော် ဘုရား ဟောကြားအပ်သော တရားတော်များကို နာကြားနေ ရသော ကြောင့်လည်းကောင်း၊ သာသနာ့ဘောင်အတွင်းတွင် နေထိုင် အသက်ရှင် နေရသောကြောင့် လည်းကောင်း အစရှိသဖြင့် အကျိုးကျေးဇူး များစွာကို သိရှိနားလည်သည့် အနေဖြင့် အသက်မရှိတော့သော်လည်း ရှိသည်အမှတ်ဖြင့် နေ့စဉ် ကိုးကွယ်ခြင်း အလုပ်သည် ထူးကဲသော ကုသိုလ်တစ်မျိုးပင် ဖြစ်သည်။ ဘုရားရှိခိုးပူဇော်သည့် အခါတိုင်း ဗိုလ်ငါးပါး ဟုခေါ်သည် သဒ္ဒါ၊ သတိ၊ သမာဓိ၊ ပညာ၊ ဝီရိယ တို့ကပ်ပါလျှင် ပို၍ ထူးကဲ များပြားသော ကုသိုလ်ထူးကို ရအပ်သည်။

နိဗ္ဗါန်ကို ရည်မှန်း၍ ပြုသော အလှူမှန်လျှင် ပုဂ္ဂိုလ်ဆွဲ မရှိ၊ အယုတ် အလတ်၊အမြတ်မရွေး လှူဒါန်းရမည်ဟုလည်း ဟောကြားထားသည် ကိုလည်း အချက်ပိုအနေဖြင့် သိရှိ မှတ်သားစေလိုပါသည်။

ထို့ကြောင့် ရှင်တော် ရဟန်းများအား ဆွမ်းကပ်ခြင်းအပြင် နေ့စဉ် ဘုရားဆွမ်းတော်တင်ခြင်း၊ ဆီမီး၊ရေ၊ပန်း ကပ်လှူပူဇော်ခြင်း ကလည်း ပြုလုပ်အပ်သော ကုသိုလ်ထူး တစ်ခုဖြစ်ပါကြောင်း အသိပေးပြီး နိဂုံးချုပ်အပ် ပါသည်။
--
အောင်ခမ်း
International news for myanmar

Read More

မြန်မာနိုင်ငံဆိုင်ရာ ပထမဆုံး E.U သံအမတ်ကြီးကို ရွေးချယ်

မြန်မာနိုင်ငံဆိုင်ရာ ဥရောပ သမဂ္ဂရဲ့ ပထမဆုံး သံတမန် ခန့်အပ်ရေးအတွက် ဘယ်လ်ဂျီယံ နိုင်ငံသား သံတမန်ရေး ကျွမ်းကျင်သူ တဦးဖြစ်သူ မစ္စတာ ရိုလန် ကိုဘီယားကို ရွေးချယ်လိုက်တယ်လို့ သိရပါတယ်။

ဥရောပ သမဂ္ဂကော်မရှင် အကြီးအကဲတဦးဖြစ်သူ မစ္စ ကက်သရင်း အက်ရ်ှတန်က မစ္စတာ ရိုလန် ကိုဘီ ယားကို ရွေးချယ်လိုက်တဲ့အကြောင်း ပြီးခဲ့တဲ့ မေလ ၃၁ ရက်နေ့စွဲနဲ့ ထုတ်ပြန်ကြေညာခဲ့ပါတယ်။ 
ပြီးခဲ့တဲ့ ဇန်န၀ါရီလက ရန်ကုန်မှာ ရုံးခန်းဖွင့်ဖို့ ဥရောပ သမဂ္ဂက ဆုံးဖြတ်ခဲ့ပြီးဖြစ်သလို အဲဒီရုံးကိုလည်း သံတမန် အတွေ့အကြုံ ရင့်ကျက်သူ၊ ဥပဒေ ပညာရှင်တဦးလည်းဖြစ်တဲ့ မစ္စတာ ရိုလန်ဟာ စတင် ဦး
ဆောင် လည်ပတ်ရတော့မှာပါ။ 

အခုလို ဥရောပ သမဂ္ဂဘက်က မြန်မာနိုင်ငံဆိုင်ရာ သံတမန်ထားရှိလာခြင်းဟာ ပထမဆုံးခြေလှမ်း တခု 
ဖြစ်သလို မြန်မာ့နိုင်ငံရေး၊ စီးပွားရေး ပြုပြင်ပြောင်းလဲမှုများကို ဥရောပ သမဂ္ဂက အသိအမှတ်ပြု လက်ခံ လာတာကြောင့် ဖြစ်ပြီး မြန်မာနဲ့ ဥရောပ သမဂ္ဂတို့ကြား ပိုမိုရင်းနှီးနွေးထွေးတဲ့ ဆက်ဆံရေးတွေ ဖြစ်လာ မယ်လို့ ၂ ဖက်လုံးက မျှော်လင့်ထားကြတယ်လို့လည်း သုံးသပ်သူတွေက ဆိုပါတယ်။ 

အိမ့်သံစဉ်~

Read More

စင်္ကာပူရောက် မြန်မာ ၂ ဦး နဲ့ ဟန်ဆောင်လက်ထပ်မှု

စင်္ကာပူမှာ နေထိုင်ခွင့်ရဖို့အတွက် ဒေသခံအမျိုးသားတဦးနဲ့ ဟန်ဆောင်လက်ထပ်ခဲ့တယ် ဆိုတဲ့ မြန်မာအမျိုးသမီးတဦးကို ထောင်ဒဏ် ၆ လ ချမှတ်လိုက်တယ် လို့ Straits Times သတင်းစာ အွန်လိုင်းမှာ သောကြာနေ့က ရေးထားပါတယ်။စင်္ကာပူအမျိုးသားကိုလည်း  ထောင်ဒဏ် ၆ လ ချမှတ်လိုက်တယ်လို့ ဆိုတယ်။
သူတို့နှစ်ဦးကြား အကျိုးဆောင်ပေးတဲ့ မြန်မာအမျိုးသားကိုတော့ ထောင်ဒဏ် ၉ လ ချမှတ်တယ်လို့ ရေးထားပါတယ်။
သတင်းထဲမှာ ရေးထားချက်အရဆိုရင် သူတို့က
ကိုကျော်ကျော်ဦး - အသက် ၃၅ နှစ်
မအေးအေးငြိမ်း - အသက် ၃၁ နှစ်
Mr. Safari Minhad - အသက် ၅၂ နှစ် တို့ ဖြစ်ပါတယ်။

ဇန်န၀ါရီ ၄ ရက်နေ့က Jurong West Community Club  မှာ လက်ထပ်ခဲ့တာလို့ ဆိုပါတယ်။
___________________________________________________________________________
သတင်းထဲ ဆက်ရေးထားတာကတော့ မအေးအေးငြိမ်းက အိမ်အကူအလုပ် ဆက်လက်လုပ်ကိုင်လိုခြင်း မရှိတာကြောင့် ဟန်ဆောင်လက်ထပ်မယ့် အမျိုးသား
တဦး ရှာဖွေပေးဖို့ ကိုကျော်ကျော်ဦးကို အကူအညီ တောင်းခဲ့တယ်၊ ဒီအစီအစဉ်အတွက် မအေးအေးငြိမ်း ကုန်ကျခံမယ့်ငွေက ဒေါ်လာ သုံးထောင် လို့ ဆိုပါတယ်။ စင်္ကာပူဒေါ်လာ ဖြစ်ဖွယ် ရှိပါတယ်။
ဒီအချက်အလက်တွေသာ မှန်မယ် ဆိုရင်တော့ ဟန်ဆောင်လက်ထပ်ခြင်းအတွက် ကုန်ကျတဲ့ငွေပမာဏဟာ အမေရိကန်က စင်္ကာပူထက် ပိုများတာကို တွေ့ရပါတယ်။
အမေရိကန်မှာတော့ ဟန်ပြလက်ထပ်တဲ့အတွက် ပေးရတဲ့ နှုန်းက အမေရိကန်ဒေါ်လာ တသောင်း အနည်းဆုံး ရှိပါလိမ့်မယ်။

ဟန်ပြလက်ထပ်တာတွေဟာ တရားမ၀င်ဘူး ဆိုပေမယ့်လည်း ဖွံ့ဖြိုးပြီးနိုင်ငံများမှာ ရေရှည်နေထိုင်လိုသူတွေ ရွေးချယ်ကြတဲ့ နည်းလမ်းတခု ဖြစ်နေပါတယ်။
ဟန်ပြလက်ထပ်တဲ့နည်းနဲ့ အမြဲတမ်းနေထိုင်ခွင့် အဆင့်အတန်း ရရှိဖို့ မျှော်လင့်ထားကြတာလို့ သိရပါတယ်။

• ဧရာဝတီ Facebook / ဧရာဝတီ Twitter

Read More